Нутгийн баруун хойд хэсэгт үзэсгэлэнт Хөх нуур хад асгатай сүрлэг уулсын дунд мэлтэлзэн байх  бөгөөд түүний эргэн тойронд тунгалаг уст Заваг, Гурван хярын нуур зэрэг байгалийн сонин тогтоцтой том жижиг 10 гаран нуур бий. Хангайн нурууны Жаргалант уулын өвөрт 2649 м үнэмлэхүй өндөрт байдаг, морены хурсанд хаагдаж тогтсон тагийн хэт цэнгэг нуур 17.2 км2 талбайтай 12.8 км урт, 1.7 км өргөн эргийн шугамын урт 32.8 км буюу ихээхэн хэрчигдсэн. Хур бороо, гадаргын ба гүний урсацаар сэлбэгддэг ба 190 км2 талбайгаас усжиж, олон жижиг нуур дамжин богино уулзварын голоор Завхан голын томхон цутгал болох ХарУсны голтой холбогддог.

Мэдээ оруулсан: 2016-05-10 20:12:00